НОВЕ-НОВЕ-НОВЕ-НОВЕ
Послухайце шветочну писню Руснацох Републики Горватскей

Отрима ше 5. „Рутенияда“

Координация рускей националней меншини у соорґанизациї зоз опчину Стари Янковци орґанизує 5. бависка у старих спортох „Рутенияду“

„Рутенияда“ ше отрима 16. юния 2012. року у Старих Янковцох.

Толкованє бавискох, поволанка и приявница на долу означених линкох.

Толкованє бавискох

Поволанка и приявница

Модля ше шицки котри маю идейне ришенє за лоґо „Рутенияди“ же би свойо роботи послали на адресу:

Koordinacija rusinske nacionalne manjine
Republike Hrvatske
Vijeća Europe 93
32 000 Vukovar 

лєбо на е-маил:
vrnm@hi.t-com.hr

 (аба)

Дзень Руснацох у Републики Горватскей отрима ше у Петровцох 25. мая

У орґанизациї Коорднинациї рускей националней мешини РГ а под покровительством Вуковарско-сримскей жупаниї и опчини Боґдановци, 25. мая 2012. року, у Петровцох ше отрима Дзень Руснацох у Републики Горватскей.

Програма започнє зоз виставками ношньох, вишивкох и експонатох у Етноґрафичней збирки а предлужи ше зоз покладньом венцох на 17:30 годзин, Службу Божу на 18 гoдзин и Шветочну Академию у вечарших годзинох котра почнє на 20 годзин у Доме култури у Петровцох.

 (аба)

Мини ювилей Подобовей Колонї КУД-а Руснацох Осиєк у Альмашу

У орґанизациї КУД Руснацох Осиєк, а першираз того року и з финанцийну потримовку Совиту за национални меншини РГ, од 17. – 20. май 2012. року отрима ше 5. Подобова колония у Альмашу.
Закончуюца шветочносц отрима ше 20. мая дополаня у Дому ремельнїкох дзе ше годни опатриц роботи малярох, присуствовац културней програми як и остац на друженю котре КУД Руснацох Осиєк  звичайно порихта за шицких присутних.

 (аба)

Совит за национални меншини РГ принєсол одлученє о розпорядку средствох за 2012. рок

Пияток, 13. априла, Совит за национални меншини РГ принєсол конєчне одлученє о розпорядку средствох зоз Державного предрахунку.

Розпорядок средствох можеце пречитац на тим линку http://www.nacionalne-manjine.info/

лєбо опатриц у word doc. на тим линку

 (аbа)

44. Драмски мемориял Петра Ризничя Дядї

Як дознаваме зоз Рутенпресу, 13. априла у Руским Керестуре почал 44. Драмски мемориял Петра Ризничя Дядї - смотра театралней творчосци Руснацох у Сербиї.

Репертоар 44. Драмского меморияла Петра Ризничя Дядї :

 (аbа)

Велька ноц у Миклошевцох

Внєдзелю, 08. априла, у преполней Миклошевскей церкви преславена Велька ноц.
 

Архиєрейну службу Божу служел о.Яким Симунович, парох Миклошевски, котри пречитал и винчованку кир. Николи Кекича, владики Крижевского.

Даскельо слички можеце опатриц на you tube

 (аbа)

Вишло нове число Венчику.

Пречитац го можеце на тим линку.

 (аbа)

Шарани вайца у фарбох городу

У Осиєку отримана традицийна манифестация „Шарани вайца у фарбох городу“ котра приказує Велькопосни и Вельконоцни єдла и звичаї. На манифестациї участвовало и КУД Руснацох Осиєк. Вецей можеце опатриц на тим линку.

 (аbа)

Премиєра „ Панї министерки“ у Петровцох

На нєдзелю, 25. марца 2012. року з початком на 20 годзин, у Дому култури у Петровцох КМД „Яким Гарди“, Драмска секция, виведзе Премиєру комедиї „Панї министерка“ по тексту Бранислава Нушича, присподобену рускому язику и звичаю у режиї Томислава Раца. Наяву опатрице на тим линку

Уходнїца 5 куни.

 (аба)

Вишло нове число „Новей думки“

Часопис у пдф формату у електронїцким виданю можеце пречитац на

Нова думка

 (аба)

ПЛАН РОБОТИ ПРЕДСТВНЇКА РУСКЕЙ НАЦИОНАЛНЕЙ МЕНШИНИ ГОРОДУ ЗАҐРЕБУ ЗА 2012. РОК

Представнїк рускей националней меншини Городу Заґребу мр.сц. Ириней Мудри принєсол плаян роботи за 2012. рок котри можеце опатриц на тим линку:

pdf

word.doc

 (аbа)

ИМПРЕСИЇ:
ГОРВАТСКА - УКРАЇНА

Маме чесц поволац Вас на отверанє подобовей вистави

Владимира Провчия

на пондзелок,
20. фебруара 2012. року на 18 годзин у

 Ґалериї „Chromos“,

Улїчка городу Вуковару 271 у Заґребу

 Виставу орґанизую Горватско-українско дружтво  и  Ґалерия „ Chromos“

Радуєме ше Вашому приходу.

 (аbа)

ЦИКЛУС

"Руснаци и Українци нашо согражданє"

У рамикох циклусу „Руснаци и Українци нашо согражданє“, Библиотеки городу Заґребу, Хородска библиотека и Централна библиотека Руснацох и Українцох РГ орґанизую на штварток, 26. януара 2012. року на 18 годзин, Городска библиотека, Страчевичова площа 6, Заґреб (Gradska knjižnica Starčevićev trg 6, Zagreb), два вистави:
МУЗИЧНИ ИНСТРУМЕНТИ РУСНАЦОХ И УКРАЇНЦОХ И МОЯ УКРАЇНА.

По законченю програми заєднїцке друженє.

Word.doc.

 (аbа)

Вишло нове число „Новей думки“

Часопис у пдф формату у електронїцким виданю можеце пречитац на

Нова думка

 (аба)

Дравски габи

На www.sriu.hr опатрице як було на тогорочних „Дравских габох“ у Осиєку.

 (аба)

КУЛТУРНО-ЗАБАВНИ ВЕЧАР И ДЗЕНЬ РУСНАЦОХ У ЗАҐРЕБУ

УЗаґребу, 19. новембра 2011. року у орґанизациї Представнїка рускей националней меншини городу Заґребу, мр.сц. Иринея Мудрого, у ресторану „Казабланка“ отримани Културни вечар Руснацох - бал и Дзень Руснацох Републики Горватскей.

Як наглашел у своїм поздравним слове, мр.сц. Ириней Мудри, вжал себе за задаток, з допомогу запошлєного тайомнїка Йоакима Павловича, позберац цо вецей Руснацох котри жию на подрчю городу Заґребу и з єдного боку їх поинформовац о Уставних правох котри маю як припаднїки националней меншини а з другого, оможлївиц им же би ше стретли и упознали медзи собу.

Дзепоєдни з нїх уж покус позабували свой мацерински язик, ридко можу чуц руски шпиванки а затанцовац ище ридше. Прето таки стретнуца за нїх барз значни.

Руски шпиванки и танци презентовало КУД „Яким Ґовля“ зоз Миклошевцох а госцох на културним вечару забавял оркестер Янка Чордаша. Медзи госцами котри мали нагоду упознац часц рускей култури були и визначни особи зоз друштвено - политичного животу Заґребу медзи котрима бул Желько Занинович водитель одзелєня за национални меншини Городу Заґребу як и предсидателє Радох мадярскей, македонскей и бошняцкей  националней меншини Городу Заґребу.Спред руских политичних институцийох були: заменїк предсидателя Ради рускей националней меншини ВСЖ Борис Бучко та представнїца Руснацох Осиєцко – бараньскей жупаниї Агнетка Балатинац як и член Совиту за национални меншини влади РГ Звонко Костелник а спред културних предсидатель КУД „Яким Ґовля“ зоз Миклошевцох, Мирослав Гайдук, представнїца дружтва Руснак зоз Петровцох, Наталия Гнатко и представнїк Дружтва за українску културу зоз Заґребу, Алекса Павлешин.

На културним вечаре була промовирана и кнїжка доаєна нашей музичней творчосци Янка Чордаша,  „Крачунски и Руски шпиванки“ а видаватель праве Представнїк рускей националней меншини Городу Заґребу.

Члени КУД „Яким Ґовля“ зоз Миклошевцох подаровали нащивительом и даскельо крачунски шпиванки же би ше, тоти котри их знаю здогадли а гевти котри ше першираз стретаю з руску културу и традицию, упознали и з тоту файту нашого шпиваня – колядованя.

У добрим розположеню и коло богато порихтаного стола зоз єдзеньом и пицом, подий за танєц бул нєпреривно полни а гудаци старших нашивительох здогадовали на писнї з їх дзециньства док младшим указовали дражки по котрих най би ходзели.

Агнетка Балатинац

 (аба)

Поволанка на Културни вечар Руснацох - бал и Дзень Руснацох Републики Горватскей у Заґребу

На соботу, 19. новембра 2011. року, на 19 годзин у ресторану „Казабланка“, улїца городу Вуковару 271,Заґреб, Представнїк рускей националней меншини городу Заґребу, мр.сц. Ириней Мудри, орґанизуєй Културни вечар Руснацох - бал и Дзень Руснацох Републики Горватскей.

На балу наступя члени КУД „Яким Ґовля“ зоз Миклошевцох зоз рускима шпиванками и танцами а провадзиц їх будзе оркестер Янка Чордаша.

У рамикох Вечара, отрима ше и промоция кнїжки Янка Чордаша „Крачунски и Руски шпиванки“ а вечар закончи праве зоз Крачунскима писнями.
Уход шлєбодни.

Информациї и прияви найпознєйше до стреди 16. новембра 2011. року на:

Яким Павлович, тайомнїк Представнїка
мобител: 091 30 45 649

Вецей можеце пречитац на поволанки. 

(аба)

РЕЗУЛТАТИ ВИБЕРАНКОХ ЗА РАДИ И ПРЕДСТАВНЇКОХ НАЦИОНАЛНИХ МЕНШИНОХ ПО ОПЧИНОХ, ГОРОДОХ И ЖУПАНИЙОХ

Руснаци спрам заступеносци у числу жительства на одредзеним подручю, мали право виберац предтавнїкох и ради своєй националней меншини у опчинох, городох и жупанийох.
Виберанки отримани 10. юлия 2011 а нєдавно обявени и конєчни резултати, котрих приношиме з веб бокох Державного виберанкового поверенїцства.

Кажда Рада спомедзи вибраних членох медзи собу вибера предсидателя и подпредсидателя а Представнїк вибрани накеди обявени званични резултати виберанкох и по прецеку року за пригварки. Так у Осєцко-бараньскей жупаниї за представительку вибрана Агнетка Балатинац а у Городу Заґребу Ириней Мудри.

За предсидательох Радох у опчинох Томповци и Боґдановци вибрани Мирослав Лїкар и Яким Вашаш, у городу Вуковару Лела Дїтко а на уровню Вуковарско-сримскей жупаниї Яким Ерделї.

Препатрунок вибраних кандидатох зоз звиту Державного виберанкового поверенїцства РГ.

Руснаци

(аба)

 ПРЕСЛАВЕНА 160 РОЧНЇЦА ПРИСЕЛЄНЯ РУСНАЦОХ ДО МИКЛОШЕВЦОХ

У Миклошевцох, внєдзелю, 6. новембра,   отримана шветочносц з нагоди 160-рочнїци приселєня Руснацох до Миклошевцох.

Програма почал зоз службу Божу а предлужела ше у пополадньових годзинох зоз Шветочну схадзку. На шветочней схадзки, попри визначних госцох зоз општини Томповци,општини Стари Янковци, месного одбору, та висланїка Крижевского владики, бул назочни и жупан Вуковарско - сримскей жупаниї Божо Ґалич котри бешедовал о значносци мултиетнїчносци на тих просторох и наглашел же Жупанїя вше ма слуха за потреби националних меншинох а як приклад тому то и конкретни роботи коло подзвигованя стандарду з меншинским жительством. Реферати о присельованю Руснацох до Миклошевцох пречитали Дюра Лїкар по руски и Агнетка Балатинац по горватски...
 

вецей...

(аба)

ПЕТРОВСКА ПАРОХИЯ НАПОЛНЄЛА 175 РОКИ

ШВЕТОЧНОСЦ У ПЕТРОВСКЕЙ ЦЕРКВИ

У Петровцох, 2.октобра 2011 року преславене Храмове швето и шветочно означена 175. рочнїца Петровскей парохиї.

У Петровцох, 2. октобра 2011 року у церкви Покрову Пресвятей Богородици, преславене Храмове швето и шветочно означена 175. рочнїца Петровскей парохиї.

вецей...

(аба)

"26. КУЛТУРНА МАНИФЕСТАЦИЯ МИКЛОШЕВЦИ 2011"

„Поздрав ровнїни“
 

У Миклошевцох ше 27. и 28. авґуста 2010 року отримала традицийна XXVI културна манифестация „Миклошевци 2011“.
У програми под назву „Поздрав ровнїни“ участвовали 10 Културно–уметнїцки дружтва зоз Горватскей...

вецей...

(аба)

Закончена
Лєтна школа Русинох и Українцох РГ

 Вецей можеце пречитац и фото албуми опатриц на тим

линку

(аба)

ОТРИМАНИ ВИБЕРАНКИ ЗА ЧЛЕНОХ РАДОХ И ПРЕДСТАВНЇКОХ НАЦИОНАЛНИХ МЕНШИНОХ

Внєдзелю, 10. юлия 2011 року отримани виберанки за членох радох и представнїкох националних меншинох у жупанийох, городох и опчинох.

Резултати виберанкох можеце провадзиц на тим  линку

За представнїка рускей националней меншини  Городу Заґребу вибрани мр.сц.Ириней Мудри.

Резултати можеце опатри  ту

По обєдиньованю податкох, резултати виберанкох за членох радох и представнїкох националних меншинох у жупанийох, городох и опчинох у Републики Горватскей буду обявени на службових веб бокох  Державного виберанкового поверенїцтва РГ

(аба)